ຂ້າມໄປຫາເນື້ອຫາຫຼັກ
ສູນບໍລິການລູກຄ້າ: 1188
ແຈ້ງການຂ່າວສານ ແລະ ກິດຈະກຳ
ລາວEN
Phongsavanh Bank

Co-Branding

ຮ່ວມມືກັບທະນາຄານ

Co-Branding Card

ຜະລິດຕະພັນ Co-Branding Card

ບັດ Co-Branding ຂອງທະນາຄານພົງສະຫວັນ ແມ່ນການຮ່ວມທຸລະກິດຊຳລະສະສາງສິນຄ້າ ຜ່ານເຄື່ອງຮູດບັດ (POS) ລະຫວ່າງ ທະນາຄານພົງສະຫວັນ ແລະ ບໍລິສັດຄູ່ຄ້າ ສະດວກໃນການນຳໃຊ້ບັດບໍ່ຈຳເປັນຕ້ອງຖືເງິນສົດຈຳນວນຫຼາຍ ແລະ ຈະໄດ້ຮັບວົງເງິນສິນເຊື່ອທີ່ແນ່ນອນຕາມຂະໜາດການຊຳລະສະສາງໃຫ້ແກ່ຮ້ານຄ້າສະມາຊິກຂອງ ບໍລິສັດຄູ່ຄ້າ.

ຜົນປະໂຫຍດຂອງບັດ Co-Branding

  • ໄດ້ຮັບບັດ Credit ແບບພິເສດໃຫ້ແກ່ລູກຄ້າຂອງບໍລິສັດຄູ່ຄ້າ ເພື່ອຊຳລະຄ່າສິນຄ້າ
  • ບັດ Co-Branding ຈະມີ Logo ຂອງ ບໍລິສັດຄູ່ຄ້າ ແລະ ທະນາຄານ ພົງສະຫວັນ
  • ໄດ້ຮັບເຄື່ອງຮູດບັດໃຫ້ ບໍລິສັດຄູ່ຄ້າ ເພື່ອນຳໃຊ້ໃນການຊຳລະສະສາງສິນຄ້າ
  • ຈະໄດ້ຮັບຄວາມສະດວກສະບາຍໃນການໃຊ້ບໍລິການທຸລະກຳການຊື້-ຂາຍສາມາດຊຳລະດ້ວຍບັດ Credit ຜ່ານເຄື່ອງຮູດບັດເຊິ່ງເປັນທາງເລືອກໃໝ່ແທນການນຳໃຊ້ເງິນສົດ ຫຼື ການຊຳລະດ້ວຍວິທີອື່ນ
  • ທ່ານບໍ່ຈຳເປັນຕ້ອງຖືເງິນສົດຈຳນວນຫຼວງຫຼາຍ ຫຼື ແຊັກເຂົ້າຫາທະນາຄານເພື່ອຂຶ້ນເງິນ ປະຢັດເວລາ ໃນການຮຽກເກັບເງິນຕາມແຊັກ
  • ການຊຳລະສະສາງວ່ອງໄວຂຶ້ນເພາະເງິນຖືກໂອນເຂົ້າບັນຊີທັນທີ
  • ຮັບປະກັນຄວາມຖືກຕ້ອງ, ງ່າຍດາຍໃນການລົງບັນຊີ ແລະ ກວດກາຄຸ້ມຄອງ (ຖ້າສົມທຽບໃນການຊຳລະສະສາງແບບເງິນສົດ)
  • ປ້ອງກັນຄວາມສ່ຽງໃນການນັບເງິນສົດ, ຂົນສົ່ງເງິນ ແລະ ການເກັບຮັກສາເງິນສົດ ແລະ ປ້ອງກັນການສໍ້ໂກງຕ່າງໆທີ່ອາດເກີດຂຶ້ນ
  • ເປັນຊ່ອງທາງໃນການເພີ່ມໂອກາດການຮ່ວມມືທາງດ້ານທຸລະກິດອື່ນໆ
  • ເປັນການສົ່ງເສີມການຫຼຸດຜ່ອນການນຳໃຊ້ເງິນສົດ

ຜົນປະໂຫຍດທີ່ ຮ້ານຄ້າສະມາຊິກບໍລິສັດຄູ່ຄ້າໄດ້ຮັບ

  • ຈະໄດ້ຮັບວົງເງິນສິນເຊື່ອທີ່ແນ່ນອນຕາມຂະໜາດການຊຳລະສະສາງໃຫ້ແກ່ຮ້ານຄ້າສະມາຊິກຂອງ ບໍລິສັດຄູ່ຄ້າ
  • ບໍ່ຈຳເປັນຕ້ອງກຽມເງິນສົດ ຫຼື ໄປທະນາຄານແຈ້ງຕັດບັນຊີ ຫຼື ຂຽນແຊັກເພື່ອຊຳລະສະສາງໃນການສັ່ງຊື້
  • ສາຂາທະນາຄານພົງສະຫວັນສາມາດໃຫ້ບໍລິການເກັບເງິນສົດຈາກ ຮ້ານຄ້າສະມາຊິກເພື່ອນຳເງິນສົດເຂົ້າບັນຊີຂອງສະມາຊິກຢູ່ທະນາຄານພົງສະຫວັນ
  • ເພີ່ມໂອກາດຫຼາຍຂຶ້ນໃນການເຂົ້າເຖິງຜະລິດຕະພັນຕ່າງໆຂອງທະນາຄານພົງສະຫວັນ
  • ທຸກໆທ້າຍເດືອນທະນາຄານຈະອອກໃບແຈ້ງຍອດໜີ້ໃນບັນຊີໃຫ້ແກ່ຜູ້ຖືບັດ ເຊິ່ງຜູ້ຖືບັດຈະໄດ້ຮັບໄລຍະເວລາປອດດອກເບ້ຍ 20-49 ວັນ.
ລູກຄ້າທຸລະກິດ

ເພີ່ມເຕີມໃນ ລູກຄ້າທຸລະກິດ