ບັນຊີຈ່າຍເງິນເດືອນ

ຈ່າຍເງິນເດືອນພະນັກງານຢ່າງສະດວກ

ຄຸນລັກສະນະຂອງຜະລິດຕະພັນ Payroll

ເປັນຜະລິດຕະພັນທີ່ສະດວກໃນການເບີກຈ່າຍເງິນເດືອນໃຫ້ພະນັກງານຂອງບໍລິສັດໂດຍຜ່ານລະບົບທະນາຄານ ໂດຍບໍ່ເສຍເວລາຖືເງິນສົດ ແລະ ບໍ່ຈຳເປັນຕ້ອງຈ່າຍເງິນສົດໃຫ້ພະນັກງານ ລະບົບຈະນຳເງິນເດືອນຂອງພະນັກງານເຂົ້າບັນຊີເງິນຝາກຂອງພະນັກງານໃນທຸກໆເດືອນຕາມວັນທີທີ່ທາງບໍລິສັດກຳນົດໄວ້ກັບທະນາຄານ.

ຜົນປະໂຫຍດຂອງຜະລິດຕະພັນ Payroll

ລູກຄ້າບໍລິສັດຈະໄດ້ຮັບຄວາມສະດວກສະບາຍໃນການຈ່າຍເງິນເດືອນພະນັກງານ
ລູກຄ້າບໍລິສັດບໍ່ຈຳເປັນຈ່າຍເງິນສົດໃຫ້ພະນັກງານ
ລູກຄ້າບໍ່ຈຳເປັນຕ້ອງເສຍເວລານັບເງິນໃຫ້ພະນັກງານຫຼາຍຕຳແໜ່ງ
ທະນາຄານຈະນຳເງິນເດືອນຂອງພະນັກງານເຂົ້າບັນຊີເງິນຝາກຂອງພະນັກງານໃນທຸກໆເດືອນຕາມວັນທີທີ່ທາງບໍລິສັດກຳນົດໄວ້
ພະນັກງານສາມາດຖອນເງິນໃນບັນຊີ ແລະ ອອກບັດ ATM ເພື່ອກົດເງິນສົດໄດ້ໃນທັນທີທີ່ຕ້ອງການຖອນເງິນ
ສາມາດນຳໃຊ້ບໍລິການຕ່າງໆຂອງທະນາຄານໄດ້ຜ່ານຕູ້ ATM

ຄ່າທຳນຽມຕ່າງໆຂອງຜະລິດຕະພັນ Payroll

ຄ່າທຳນຽມຕ່າງໆຂອງຜະລິດຕະພັນ Payroll
ລາຍການ	ຄ່າທຳນຽມ
ຄ່າທຳນຽມຈ່າຍເງິນເດືອນ	2000 ກີບ/ບັນຊີ
ຄ່າອອກບັດ ATM	30,000 ກີບ/ບັດ
ຄ່ານຳໃຊ້ບັດ ATM	3,000 ກີບ/ເດືອນ

(ປັບປຸງໃນວັນທີ 07/07/2018)

ເອກະສານປະກອບການສະໝັກ

ເປີດບັນຊີບໍລິສັດ ແລະ ພະນັກງານບໍລິສັດທີ່ຈະມາຈ່າຍເງິນເດືອນ

ເອກະສານປະກອບເປີດບັນຊີບໍລິສັດ

ໃບທະບຽນວິສາຫະກິດ
ໃບເສຍອາກອນ
ເອກະສານຜູ້ມີສິດອຳນາດໃນການສັ່ງຈ່າຍໃນບໍລິສັດ

ເອກະສານປະກອບເປີດບັນຊີພະນັກງານບໍລິສັດ

ບັດພະນັກງານ
ໃບຢັ້ງຢືນການເປັນພະນັກງານຂອງບໍລິສັດ ຫຼື ບັດປະຈຳຕົວ, ສຳມະໂນຄົວ, passport

ລູກຄ້າທຸລະກິດ

ບໍລິສັດຂອງພວກເຮົາ

ລາຍງານ ແລະ ນະໂຍບາຍ

ຂ່າວສານ ແລະ ການຮັບສະໝັກວຽກ

ຝາກ ແລະ ກູ້

ຊຳລະ ແລະ ໂອນ

ສິນເຊື່ອ

ບັນຊີ ແລະ ການປົກປ້ອງ

ການຊຳລະ ແລະ ຄັງເງິນ

ແອັບ ແລະ ລະບົບ

ສຳຫຼວດ

ຊອກຫາພວກເຮົາ

ຊ່ວຍເຫຼືອ