ບັນຊີເງິນຝາກ
ບັນຊີເງິນຝາກປະຢັດ ແລະ ເງິນຝາກມີກຳນົດ
ເລືອກບັນຊີຂອງທ່ານ
ທະນາຄານພົງສະຫວັນມີບັນຊີເງິນຝາກ 8 ປະເພດ. ປຽບທຽບດ້ານລຸ່ມນີ້ ຫຼື ເປີດແຕ່ລະແຖບເພື່ອເບິ່ງລາຍລະອຽດ, ອັດຕາດອກເບ້ຍ ແລະ ຄ່າທຳນຽມ.
- 1. ບັນຊີ ຝາກປະຢັດດອກເບ້ຍລາຍວັນ, ເລີ່ມຕົ້ນ 100,000 ກີບ
- 2. ບັນຊີ ສ່ວນຕົວເງິນຝາກເບື້ອງຕົ້ນຕ່ຳ
- 3. ບັນຊີ ກະແສລາຍວັນແຊັກ ແລະ ຈ່າຍເງິນເດືອນ
- 4. ບັນຊີ ຄຸ້ມຄອງເງິນສົດຍອດເງິນຍິ່ງຫຼາຍ ດອກເບ້ຍຍິ່ງສູງ
- 5. ບັນຊີ ເງິນຝາກດອກເບ້ຍເພີ່ມພູນຍອດເງິນເຫຼືອຍິ່ງຫຼາຍ ອັດຕາດອກເບ້ຍຍິ່ງສູງ
- 6. ບັນຊີ ຊັ້ນໜຶ່ງບໍລິການພິເສດ ແລະ ຫ້ອງຮັບແຂກຊັ້ນໜຶ່ງ
- 7. ບັນຊີ ເງິນຝາກມີກຳນົດສູງສຸດ 10.75% ຕໍ່ປີ ສຳລັບເງິນກີບ
- 8. ບັນຊີ ເງິນຝາກມີກຳນົດ (ຮັບດອກເບ້ຍລາຍເດືອນ)ຮັບດອກເບ້ຍທຸກໆເດືອນ
ລາຍລະອຽດບັນຊີ
ບັນຊີເງິນຝາກປະຢັດ
ບັນຊີເງິນຝາກປະຢັດຂອງທະນາຄານພົງສະຫວັນ ເປັນບັນຊີທ້ອນເງິນປະເພດໜຶ່ງ ທີ່ຊ່ວຍທ່ານໃນການທ້ອນເງິນ ເພື່ອຄວາມຕ້ອງການໃຊ້ເງິນຂອງທ່ານໃນອະນາຄົດ ເຊິ່ງມັນບໍ່ພຽງເປັນການຮັກສາເງິນຂອງທ່ານເທົ່ານັ້ນ ແຕ່ຍັງຊ່ວຍທ່ານທ້ອນເງິນແຕ່ລະມື້ນຳອີກ. ສະນັ້ນທ່ານບໍ່ຕ້ອງກັງວົນທີ່ຈະຕ້ອງແບກເງິນໄປນຳທົ່ວທີບອີກຕໍ່ໄປ (ໂດຍຢ້ານວ່າຈະອົດໃຈບໍ່ໄດ້) ຫຼື ສ່ຽງທີ່ຈະປະໄວ້ຢູ່ເຮືອນ. ທ່ານພຽງແຕ່ເປີດບັນຊີທ້ອນເງິນກັບທະນາຄານ ກໍ່ໝົດບັນຫາ.
ຜົນປະໂຫຍດຂອງບັນຊີ
- ທ່ານຈະໄດ້ຮັບດອກເບ້ຍຈາກເງິນຂອງທ່ານໃນແຕ່ລະມື້, ສະສົມໄວ້ໃນບັນຊີ ຍິ່ງຝາກຫຼາຍເທົ່າໃດ ກໍ່ໄດ້ດອກເບ້ຍຫຼາຍເທົ່ານັ້ນ
- ທ່ານສາມາດຕິດຕາມເບິ່ງເງິນທີ່ທ່ານທ້ອນເພີ່ມຂຶ້ນໃນແຕ່ລະມື້, ໂດຍການກວດສອບເບິ່ງຍອດເງິນ ຫຼື ຮັບໃບແຈ້ງຍອດເງິນຍາມໃດກໍ່ໄດ້ຜ່ານຕູ້ ATM ຕະຫຼອດ 24 ຊົ່ວໂມງ
- ທ່ານສາມາດກຳຈັດຄວາມສ່ຽງຕ່າງໆ ທີ່ກ່ຽວກັບການທີ່ຕ້ອງຮັກສາເງິນສົດຈຳນວນຫຼວງຫຼາຍ ແລະ ຄວາມຢາກທີ່ຈະໃຊ້ຈ່າຍຕ່າງໆ
- ທ່ານສາມາດຝາກ ຫຼື ຖອນເງິນໄດ້ແຕ່ລະມື້ໄດ້ຕາມຄວາມຕ້ອງການ ໂດຍຜ່ານຕູ້ ATM 24 ຊົ່ວໂມງ ຫຼື ປ່ອງບໍລິການຂອງທະນາຄານຕາມເວລາທີ່ໃຫ້ບໍລິການ
- ທ່ານສາມາດໂອນເງິນລະຫວ່າງບັນຊີຂອງທ່ານ ຫຼື ບັນຊີບຸກຄົນອື່ນໃນທະນາຄານພົງສະຫວັນຜ່ານຕູ້ ATM ໄດ້ຕະຫຼອດ 24 ຊົ່ວໂມງ
- ທ່ານສາມາດທ້ອນເງິນສຳລັບອະນາຄົດຂອງທ່ານເອງໄດ້ຢ່າງເຕັມທີ່
- ປະເພດສະກຸນເງິນຝາກ
- ກີບ · ບາດ · ໂດລາ · ຢວນ · ດົງ
- ຈຳນວນເງິນຝາກເບື້ອງຕົ້ນ
- 100,000 ກີບ ຫຼື 500 ບາດ ຫຼື 20 ໂດລາ ສະຫະລັດ ຫຼື 100 ຢວນ ຫຼື 100,000 ດົງ
ອັດຕາດອກເບ້ຍ ແລະ ການຮັບດອກເບ້ຍບັນຊີຝາກປະຢັດ
| ສະກຸນເງິນ | ດອກເບ້ຍຕໍ່ປີ |
|---|---|
| ກີບ | 2.50% |
| ໂດລາ | 1.50% |
| ບາດ | 1.50% |
| ຢວນ | 0.50% |
| ດົງ | 0.10% |
(ປັບປຸງໃນວັນທີ 06/07/2026) ໝາຍເຫດ: ດອກເບ້ຍຈະຖືກຈ່າຍເຂົ້າບັນຊີຂອງທ່ານທຸກໆເດືອນ.
ຄ່າທຳນຽມ
| ລຳດັບ | ລາຍການ | ຄ່າບໍລິການ | ||||
|---|---|---|---|---|---|---|
| ກີບ | ໂດລາ | ບາດ | ຢວນ | ດົງ | ||
| 1 | ຍອດຄ້າງສະເລ່ຍທຸກໆ 3 ເດືອນຕ່ຳກວ່າ 100,000 ກີບ, 10 ໂດລາ, 400 ບາດ | 20,000ກີບ/ເດືອນ | 2ໂດລາ/ເດືອນ | 80ບາດ/ເດືອນ | 15ຢວນ/ບັນຊີ/ເດືອນ | 30,000ດົງ/ບັນຊີ/ເດືອນ |
| 2 | ພິມຕໍ່ປຶ້ມບັນຊີເງິນຝາກຫົວໃໝ່ | ບໍ່ເກັບ | ບໍ່ເກັບ | ບໍ່ເກັບ | ບໍ່ເກັບ | ບໍ່ເກັບ |
| 3 | ອອກປຶ້ມບັນຊີຫົວໃໝ່ (ກໍລະນີປຶ້ມເສຍຫາຍ, ປຶ້ມຂາດ ຫຼື ມີການປ່ຽນແປງຂໍ້ມູນ) | 40,000ກີບ | 4ໂດລາ | 120ບາດ | 20ຢວນ | 50.000ດົງ |
| 4 | ປິດບັນຊີ | 40,000ກີບ | 4ໂດລາ | 120ບາດ | 20ຢວນ | 50.000ດົງ |
(ປັບປຸງໃນວັນທີ 06/07/2026)
ເງື່ອນໄຂໃນການເປີດບັນຊີ
ເອກະສານປະກອບການເປີດບັນຊີໃໝ່ຂອງລູກຄ້າ
ບຸກຄົນ
- ຄົນລາວ:
- ບັດປະຈຳຕົວ / ປຶ້ມສຳມະໂນຄົວ / ໜັງສືຜ່ານແດນ (Passport) / ໃບອະນຸຍາດຂັບຂີ່ / ບັດສຸດທິພະ
- ຄົນຕ່າງປະເທດ:
- ໜັງສືຜ່ານແດນ (Passport), ວິຊາ, ໃບອະນຸຍາດເຮັດວຽກ (Work Permit) ແລະ ໃບອະນຸຍາດພັກເຊົາ (Stay Permit).
ນິຕິບຸກຄົນ
- ໃບທະບຽນວິສາຫະກິດ
- ໃບທະບຽນອາກອນ
- ໃບອະນຸຍາດດຳເນີນທຸລະກິດ / ໃບອະນຸຍາດລົງທຶນ.
- ບົດບັນທຶກ ແລະ ຂໍ້ກຳນົດບັງຄັບກ່ຽວກັບທະນາຄານ.
- ມະຕິຂອງຄະນະອຳນວຍການບໍລິສັດທີ ກ.) ອະນຸມັດໃຫ້ເປີດບັນຊີ, ຂ.) ກຳນົດຊື່ຂອງຜູ້ຮ່ວມລົງນາມແຕ່ລະຄົນໃນບັນຊີດັ່ງກ່າວ.
ວິທີການເປີດບັນຊີ
- 1ທ່ານຕ້ອງໄດ້ກະກຽມເອກະສານຢັ້ງຢືນຕາມສະຖານະຂອງທ່ານຂ້າງເທິງນັ້ນໃຫ້ມີສາກ່ອນ
- 2ຕໍ່ມາ, ທ່ານຕ້ອງໄດ້ກະກຽມ ແລະ ນັບເງິນຢ່າງໜ້ອຍ 100,000 ກີບ ຫຼື 500 ບາດ ຫຼື 20 ໂດລາສະຫະລັດ ຫຼື 100 ຢວນ ຫຼື 100,000 ດົງ ໄວ້ໃນກະເປົາຂອງທ່ານ.
- 3ຈາກນັ້ນ, ທ່ານເຂົ້າໄປຫາພະນັກງານຂອງທະນາຄານປະຈຳໜ່ວຍບໍລິການ ຫຼື ສູນບໍລິການ ຫຼື ສາຂາໃດໜຶ່ງ ທີ່ທ່ານມີຄວາມສະດວກສະບາຍໃນການເດີນທາງ
- 4ສຸດທ້າຍ, ພະນັກງານບໍລິການຂອງພວກເຮົາຈະເປັນຜູ້ດຳເນີນການຕ່າງໆໃຫ້ທ່ານທັງໝົດ ມີພຽງແຕ່ທ່ານລໍຖ້າເຊັນ ແລະ ຮັບປຶ້ມເງິນຝາກໄດ້ທັນທີ
ໝາຍເຫດ: ຖ້າຕ້ອງການຮັບບັດ ATM ທີ່ສາມາດເຂົ້າເຖິງເງິນຂອງທ່ານໄດ້ຕະຫຼອດ 24 ຊົ່ວໂມງ ຕ້ອງເສຍຄ່າທຳນຽມອອກບັດ 30,000 ກີບ.